Vísindaferðir nemendafélaga við Háskóla Íslands eru komnar á fullt eftir að takmarkanir vegna Covid eru á bak og burt.
Í vísindaferðum sækja nemendur heim fyrirtæki og fá kynningu um starfsemi fyrirtækisins. Eðli fyrirtækjanna fer eftir námsleiðum þeirra nemendafélaga sem um ræðir.
Erfitt fyrir nemendafélögin
![](https://studentafrettir.hi.is/wp-content/uploads/2022/10/299810734_406681878148971_3264080778015491811_n-1-741x1024.jpg)
Fjóla María Sigurðardóttir er forseti Fjallsins, nemendafélags jarðvísinda-, landfræði- og ferðamálafræðinema við HÍ. Hún segir vísindaferðir mikilvægan þátt í starfi nemendafélaganna.
Eftir að Covid skall á var eðlilega ekki hægt að fara í vísindaferðir. Fjóla segir áhrifin hafa verið mikil.
„Þetta var svolítið erfitt fyrir nemendafélögin að reyna að finna eitthvað annað í staðinn. Það er ekki hægt að hafa viðburð á vegum nemendafélagsins á hverjum föstudegi. Þurfa skipuleggja eitthvað til að gera og eiga pening í veitingar og sal. Það er ekki raunhæft. Það er enginn kosnaður við vísindaferðirnar.“
Gulrót í lok vikunnar
Nemendur sem heyra undir Fjallið fara iðulega í vísindaferðir til ferðaþjónustufyrirtækja.
„Við erum heppin að fara til áhugaverðra fyrirtækja. Það getur verið mjög gaman að kynnast þeirra starfsemi.“
Fjóla segir að það sé frábært að enda skólavikuna á vísindaferð.
„Það er ótrúlega gaman að hafa alltaf eitthvað að hlakka til á föstudegi að geta mætt í vísó, hitta alla. Við erum meðal stórt nemendafélag, þannig það er alltaf frekar góð mæting. Maður kynnist öllum. Þetta er í raun gulrót í lok vikunnar.“
Vísindaferðir fyrri tíma
Elsta dæmið um orðið vísindaferð er, samkvæmt ritmálaskrá Orðabókar Háskólans, frá árinu 1884. Það kemur fyrir í tímaritinu Suðra og er þar lýst ferðum Þorvaldar nokkurs um hálendi Íslands. Á ferðum sínum fræddist hann og skrifaði um náttúrufræðisleg efni og vísindaferðir merkra manna. Þetta kemur fram á Vísindavefnum í grein eftir Jón Gunnar Þorsteinsson.
Jón Gunnar kemur með nútímalegri merkingu orðsins. ´Skipulegar ferðir háskólanema til fyrirtækja og stofnana sem tengjast námi þeirra´. Sem er einmitt fárbær skilgreining á vísindaferðum.