Allri staðkennslu var aflýst í Háskólanum frá 8:00 til 13:00 og því var fámennt á göngum skólans. Stúdentakjallarinn opnaði á hefðbundnum tíma en framan af degi var afar fámennt í kjallaranum.
Halldór Guðmundsson, rekstrarstjóri Stúdentakjallarans, segist hafa áttað sig á að það yrði rólegt þegar hann fékk bílastæði í starfsmannastæði skólans, sem að hans sögn gerist aldrei. Fyrsti viðskiptavinur Stúdentakjallarans kom klukkan tíu mínútur í tólf, fimmtíu mínútum eftir opnun.
Halldór hvetur fólk að mæta í Stúdentakjallarann hvernig sem viðrar, hann segir það einfaldlega skemmtilegra að læra þar.
