Andri Rafn Yeoman, verkfræðingur og leikjahæsti leikmaður knattspyrnudeildar Breiðabliks, var gestur Háskólaumræðunnar að þessu sinni. Umræðuefni þáttarins er afreksíþróttafólk í háskólanámi og allt sem sá samtvinningur ber í för með sér.
Andri segir skipulag, aga og samviskusemi vera lykilatriði í því að halda jafnvægi milli náms og íþróttaiðkunnar. Sem íþróttamaður þarf að tileinka sér aga og skipulag snemma á lífsleiðinni, því segir Andri þetta vera frábæra blöndu sem fleiri íþróttamenn ættu að kanna.
Umsjónarmenn þáttarins eru Kári Snorrason og Baldvin Þór Hannesson.
